انا طماع
وهذا صوتي
ما يتشرى ما يتباع
الحكاية وما فيها
دق ببابي
رجل اضعيف وارقيق
باين من الرقيق
حتى هو
اقبل مني اسبقلو ضاع
قال ليا
ها البرنامج
ومن عندي اسمع
رديت عليه
يا سيدي
راه ما فيا انفع
اضحك وقال
صوتك بيه غادي نصنع
....
وابدى فيا كيقنع
خرجني من النار
ودخلني للجنة
بلا ما نركع
سافر بيا ابعيد
وصلني الفردوس المفقود
اتمنيت نبقى تما ما نرجع
الرجل متمكن
ؤ عارف آش كيدير
اشرب من المنبع
ؤ تحت خيمتهم
كان امخبع
هزيت البندير
وبديت كنقول للناس
هذا راجل زين
كيفكر عاد كيطبع
واللي فينا اضبع
معاه غادي يرجع اسبع
داروا الثقة
ؤ لكثير فيهم اتبع
معروف عند العادي والبادي
ما ف كرشي اعجينة
واكلامي معاهم اشفع
داز الراجل واطلع
وفالقبة اتباع واشبع
ارمى هم الدنيا
طاح شعرو
ارجع اصلع
واشوية بشوية
ابدى كيلمع
اخدودو ازيانو
وشوفتو فالشاشة
ابدات كتلمع
من انهار شفناه
ما ولى ارجع
ارجع صياد
ولقانون الغابة اخضع
وفكل يوم يخرج بفتوى اجديدة
ويمضي على داك الشي اللي اوضع
وما اعلبالوش هاد الشي اللي كيوقع
وهو في الاصل
راه اعليه اموقع
اقبل ما يطلع
الحلم اتبخر
واصبح بالبخار بيه كيقمع
على حقو ايدافع
باش يتنفع
اما حقي وحقك
بلا ما انقول ليك
ما فيه ما تسمع
انا طماع
وهو فيا اطمع
اسرق ليا احلامي
واستغل صبري
وخللى عيني كتدمع
دار كولشي
في نص نتاع الخبز
وعضة مور عضة
وبكاس انتاع الما اجرع
ومزال غير كيبلع
خوفي اعليك
راني امريض وفيا لوجع
ومرضي اصعيب كيفزع
وانت اكليتي كولشي يا لصكع
راك واخا ترجع لطبيبك
حتى ادوى ما ينفع
وبيني وبينك
عدالة السما
هي الشرع
محمد لمراحلي
فاس
ليست هناك تعليقات:
إرسال تعليق