،، أصلي صعيدي ،،
اليوم قلت أجي امسي عليكوا وازيد ،
فن المحبه يا ساده بيقرب كل بعيد ،،
هبة من رب العباد تستاهل التحميد ،،
وقلت بالمره اعرفكم بنفسى انا العبد الفقير ،،
صعيدى مولود وعايش في بحري ،
بس جوايا عادات واعراف وتقاليد ،،
ومع اني جوبت الدنيا شرقها وغربها ،
بس مهما اسافرعايش في قلبى الصعيد ،،
متعلم ومعايا شهادات تملى عين الشمش ،
بس عايش جوايا صعيدي غاية في التعقيد ،،
عصبي انا ودمي حامي وفي غضبتي ،
معرفش حد وفي الحق بكون راجل عنيد ،،
عُمري تلاتيني بس عقلي يوزن بلد ،
وطموحي اوصله ولو كان في السما بعيد ،،
بكتب حروفي وارسمها واعيش جواها ،
والناس اللى تحكم قالوا عنى شاعر فريد ،،
بس انا مهما عليت ووصلت لطموحي ،
عمري ما انسى اصلي اللى هو الصعيد ،،
( د / إبراهيم على )
ليست هناك تعليقات:
إرسال تعليق