مين يعرف قلبى انا ومين
يعزف على وترى ومين
يمهلنى لحظه اقول انا مين
انا اللى سارح فى هوا الياسمين
مغرم انا بحفاوة حب العاشقين
افديك بالروح يا عبير الرياحين
ترعرعت على أرض الفراعين
ونشأت فى بيت العابدين
ونثرت الحروف على البراكين
والقلم يكتب والورق يا عين
ناس رايحه وجايه منين
على الهموم والحزن متفقين
ونسينا الفرح وتاريخ الفراعين
انا ابن النيل انادى يا وطنيين
بالفعل مش بالكلام يا مداحين
نتشابك الايد ونتفق على الحاقدين
نرفع تراث بلدنا ونعود للاكرمين
نرفع راية الحب بعضا لبعض ناجحين
نكبل ايادى الظلم وسخط الظالمين
نسمو بغطاء العفو عن التائبين
نحرث أن الدين لرب العالمين
نتوسل إليه يجمعنا على الكائدين
نسمو ونعلو ونرفع راية المؤمنين
بقلم : -
عبدالعظيم كيلاني دحروج
ليست هناك تعليقات:
إرسال تعليق