امتى يرجع الحنان
لارض العربان
ابلاد الشام
وصى عليها النبي العدنان
والكتب
اتكلموا عليها من زمان
واللي واقع فيها الان
ابتلاء من عند الرحمان
يا المسلم رد بالك مزيان
ولا ايغرك مال
وتبقى غلطان
احرس على التراب
باش ما يديه الطوفان
وخلليك امعقل
ما اتكونش بحال البركان
الفتنة جرفات شيوخ وصبيان
هذا امر الله لما يكثر الطغيان
يا احبابي يا شبان
الرايات السود
اصحابها مجرد جردان
ياكلو لخضر واليابس
ف هاد البستان
باسم الدين
رجعوا ابطال شجعان
طبقوا بالحرف وصية الشيطان
واسقاو الارض بالنعمان
يا خوتي كونوا اخوان
القدر محتوم
كل من عليها فان
والجماعة
في النهاية غادي اتبان
يكثر معاها الخير
وتنهي صراع الاديان
وايزول الشر والبهتان
ويرجع الانسان
انسان
محمد لمراحلي
فاس
ليست هناك تعليقات:
إرسال تعليق