زمن غرايب *** بقلم حربي علي
- أغنية
- (زمن غريب)
- زمن غريب يجمع / يفرق
- ماشي بطريق ديما يغرق
- بحر وموجه عالي جدا
- قلبه ميت ويقولي أحسن
- ومره يرجع بشوق يجنن
- شوق يخلي القلب ينطق
- ناداني / قالي يلا بينا
- نحب نعشق الحب زينه
- مني ليك مجداف ومركب
- تعالى/ عدي الحزن شطب
- جيت أعدي بحره وأشرب.
- لقيته مالح حادق / معتق
- زمن غريب يجمع / يفرق
- ومره تاني بالشوق ناداني
- لقيت معاه عمري / ثواني
- شفت راحه وحب أجمل
- حب خلاني للقمه أوصل
- فجأة. بدل طريق وزعل
- وبدل مايغرب بيا / شرق
- زمن غريب يجمع / يفرق
- وعرفنا كدا - طبع الزمن
- يجيب / يودي وإحنا التمن
- بياع فراق مليان عيوب
- يحب عشاق تسهر - تدوب
- ليله واحده ساعات يادووب
- ويرجع تاني يبيع / يسوق
- زمن غريب يجمع / يفرق
- ماشي بطريق ديما يغرق
- كلمات
- حربي علي
- شاعرالسويس
ليست هناك تعليقات:
إرسال تعليق