يا قلبي يللي ماخذك كامل الزين *** بقلم الشاعر محمد عواد البشكمي
- ياقلبي يللي ماخذك كامل الزين
- ترجمت انا ياقلـب كثر انتظاري
- الجسم حر وصاحي الليل ثلثين
- مثل اللذي ظميان وسط البراري
- انا طريح فـراش فرقى المحبين
- كم زارني شيخ وطبيب استشاري
- على وليف ن قد شغلني له سنين
- غايب ولـــدري ليه عني يواري
- حبه سرى في خافقي والشرايـين
- وشرعت له بيـبان قلبي صواري
- ماعاد تشغلني عيون المزايين
- من عقب عين ابو خدودٍ تماري
- كل ما تذكرت المضى غارت العين
- واحبس دموع الشوق خلف العباري
- اسنين غايب ماعرف له عناوين
- غايب ولا كـنّه عن الحال داري
- الليل موحش والاوادم بعيدين
- حطاب ليل ولا دريت بمســاري
- ماشي ولا دري باتجاهي على وين
- ولا عاد اميز ليلتي مـن نهاري
- اثر الغلا اشبه بسم الثعابين
- لاصار خلك بايعك وانت شاري
- ايقول ما انساك لو غبت سنتين
- والله ما قاله عن الصح عاري
- يازين ماباقي معي غير شطرين
- بـَقولهن ودموع عيني خباري
- كانك لقيت اللي شروك بملايين
- مع السلامه يا عبيد المصاري
- بقلم محمد عواد البشكمي
ليست هناك تعليقات:
إرسال تعليق