تخاريف البرد*** بقلم حسام فكري
- تخاريف البرد
- """"""""""""""
- كنت قاعد وفى وجع كده راسى
- من البرد اللى تاعب ليا انفاسى
- ومكسر ليا عظامى واحساسى
- بفكر ومشغول وماسك بكراسى
- بكتب وبرسم احلامى فى عيونى
- لقتنى راسم جوا فى كراسى
- قفص وعصفوره بجناح مكسور
- وسرحت جوا تفكيرى واشعارى
- وفجأه لاقيتها بصالى ت كلمني!
- تزقزقلى وترفرفلى وتنظرلى
- سرحت معاها بعيونى وبظنونى
- وتوهت جوا فى احلامى وافكارى
- وفجأة لقتنى بكلمها وتهمسلى!!
- ولما عصفورتى بتهمسلى بهمس
- وتفرح لما تتلاقى بنور الشمس
- ساعتها هتنسى معنى كلمه يأس
- وتفكر فى أمته هيتفك الحبس
- من القفص لانه مفروض بقا بيتها
- لكنه حابس يا ناس اكيد طاقتها
- ولا فيش أنيس ليها فى وحدتها
- عاوزه تخرج وتنول اكيد حريتها
- وتبوس ورده
- و ياسمينا
- وشجرة توت
- والله يا عصفورتى الحبسه تموت
- والله دى الحبسه تمووووووت
- ঔღঔ حـــسـ فكرى ـــام ঔღঔ
ليست هناك تعليقات:
إرسال تعليق