- ----------حبها ما يتوصفشى
- حبى ليكى شكل تانى
- حبى ليكى مالوش بديل
- نختلف ممكن نفترق دا المستحيل
- كنت فاكر انى ممكن انسى حبك بالبعاد
- كنت نايم تحت شجره فى الغيطان
- وقت الاصيل
- جالتلى فكره من شيطان
- انى اسيبك يوم واسافر
- دوله تانيه.. يمكن ألقى رزق واسع
- يمكن ألقى خير كتير
- عن هنا والشقى يكون قليل
- انا ليا ايه فيكى هنا أبكى عليه
- أمى ماتت وأبويا مات
- ولا ليا زوجه ولا فيه ولاد
- وأن كان على اخواتى
- كل يومين ابعت جواب
- كنت فاكر انى ممكن انسى حبك بالبعاد
- لكن يابلدى اللى زيك
- عمره ابدا ما يتنسى
- يتنسى ايه دا انا فى البعاد حبى زاد
- وعرفت قيمتك وسط البلاد
- انا كنت عارف بس برده زاد وزاد
- كنت بأكل احلى أكل
- وكنت ساكن احلى عمارات
- كنت راكب من السيارات آخر موديل
- عمرى ما حسيت يوم رضا
- عمرى ما نسيت اللى فات و الذكريات
- وف مره قاعد فى الجناين انا وصديق
- وسط السكات
- عقلى سارح كنت هايم فى الذكريات
- كنت بلف فى شوارعك وفى جناينك
- كنت باحاول اخلقلك عندى بديل
- لكن مستحيل
- العيشه فيكى شكل تانى طعم تانى
- انت عمرك ما تتنسى
- انت صعب يكونلك بديل
- مش بس صعب لاء مستحيل
- كنت سارح لغيط ما صاحبى هزنى وقال دا مات
- نزلوا منى دمعتين قالى مالك قولتله قاتلنى الحنين
- قالى انسى هى بلدك فيها ايه فى البلد دى مالوش بديل
- عمرى ما انسى .انسى بلدى دا مستحيل
- انسى لعبى فوق ترابها ويا أخويا الحنين
- ولا نومى عند الجيران لما أكون بلعب هناك والليل يليل
- ولما يجى ياخدنى أبويا ويقولوله سيبه يبات
- ويا العيال ما تهوهوش
- ولا الدكان اللى فى شارعنا لما اروح له من غير فلوس
- انا والولاد وياالبنات ويبتسم ويدينا سكر نبات
- وحياه اللى ذكرك يا بلدى فى اقدس كتاب
- من بكره جايلك
- لو هاجيلك حتى ماشى عمرى ما هاقعد يومين
- صاحبى قالى فيها ايه يخليك مشتاقلها
- رديت وقلت حبها حبها وحاجات كتر
- حبها وشعبها وارضها واهرماتها وحضارتها
- آه يا صاحبى لو شفتها هتحبها زى ما تكون برده ابنها
- اسمع يا صاحبى بكلام قليل
- مصر اصلا كلها مالهاش بديل
- مصر دى ما تتصوفش
- مصر وصفه للعليل
- مصر دى أول حضاره
- مصر دوله وليها جيشها
- من سنين
- والعالم عايشه فى غابات
- مصر دنيا مصر دين
- مصر ابطالها اللى حاربوا
- دافعوا عن كل العرب والمسلمين
- النهار ده ومن سنين
- مصر هي اللى علمت
- كل البشر
- مصر اول من كتب ومن وقرأ
- مصر خوفو ومنقرع
- مصر اول من زرع
- علمنا كل البشر فن العماره
- وعلمنا الطب والفلك
- مش بقول او حضاره
- مش بس برده من سنين
- لاء والنهار ده
- هو احنا ناسيين ولا ايه
- تعرف تعد لحد فين
- سمعت عن حجى وزويل
- وكتير كتير النهارده ومن سنين
- مش لازم اقولهم كلهم دول ناس كتير
- تلقاهم فى كتب التاريخ
- يعرفهم كل البشر من جيل لجيل
- اسأل عن ناصر وقطز ومن هو صلاح الدين
- مصر وصفه للعليل
- جووها صيفها وشتاها
- فى الدنيا مالوش مثيل
- مصر يعنى أرض طاهرة
- ذكرها رب العالمين
- مصر ناسها طيبين
- لو فى بيتك قام حريق
- فى لحظه واحده تنطفئ
- ولو فى يوم تقع فى ضيقة
- الف ايد تمد لك وتنشلك من اى ضيق
- فى شوارعها يمشى العجوز
- كل البشر بتكون ولاده
- وهو بيعدى الطريق
- مصر كل اللى يشوفها يحبها
- حتى الغريب عننا كأنه واحد مننا
- وهو عايش وسطنا يلقى الحنان
- ونخدمه من قلبنا ونشيله شيل
- ومن يومين يصبح صديق
- مصر قلب الدنيا مش بس امها
- لو وقف يوم نبضها الكون يميل
- مصر جنه ربنا فى قلب أرضه ويرويها نيل
- مصر عمر ما حبها يكون له بديل (وائل عمر)
ليست هناك تعليقات:
إرسال تعليق