هنتقابل *** بقلم صبري على
- **هنتقابل ...
- لما صوت الحب يعزف فى القلوب لحن الحياة ..... هنتقابل ..
- لما تنشف دمعة من كلمة بتنطقها الشفاه ..... هنتقابل ..
- لما تهرب من عيوننا ,ومن قلوبنا كل دمعة وآه ..... هنتقابل ..
- لما موج البحر يهمس إسمنا لرمل الشطوط ..
- خلى البساط أحمدى ,وامسح من عليك كل الخطوط ..
- وخلى صفحتك بيضا..كما قلوبنا..
- تطهرنا ..وتغسلنا ..ونتقابل.. هنتقابل..
- لما القمر يبعت ف ليلة صيف شعاع أبيض ...
- يقابل نسمة ف السكة ..
- ياخدها ويدخلوا قلوبنا ..
- وياخدوا العهد من قلبى ..
- ومن قلبك على الإخلاص..
- هنتقابل ..ونهدى الخير لكل الناس .. هنتقابل ...
- و نحلم حلمنا الأخضر ..
- ونرويه بالأمل يكبر ..ويطرح حب وسنابل.!
- هنتقابل. .
- هنتقابل ونتكلم..هنفرح أوهنتألم.
- لكن لازم هنتعلم..
- نداوى جروحنا ونسلم ...
- ونرجع تانى نتقابل.
- هنتقابل. ...
- صبري على
ليست هناك تعليقات:
إرسال تعليق