ما أحلى فصل الربيع *** بقلم الشاعره ملك الأصفر
- قصيدة بعنوان ... ما أحلى فصل الربيع ... باللهجة العامية الشامية المحكية ... بقلمي ...
- ....................................
- سمعت العصفور بيقول صو
- من أول ما طلع الضو
- فتحت الشباك وشفتو
- ضحكتلو وقلتلو صو
- وضحكت حدو العصفورة
- يلي على المنتورة
- ورفرفت بجناحاتا
- الحلوة و هية مسرورة
- .......................
- وطلعت شمس الشموسة
- حلوة و متل العروسة
- وشعشع الكون بنورو
- على هالأرض المحروسة
- ومحلا العشب بأذار
- والزهر على الأشجار
- والورد الغويان كتير
- على ضفاف الأنهار
- .........................
- وشقائق ورد النعمان
- تضحك بأرض البستان
- والفراشة عم تلعب
- مع أزهار الأقحوان
- وما أحلى فصل الربيع
- والغصن مولع توليع
- والناس عم تتمتع
- بالجو الهادي البديع
- ......................................
- ملك الأصفر
ليست هناك تعليقات:
إرسال تعليق