#خرابيش/
دق الهوي عالباااب
فتحت قلوبنا الباااب
لبلاب حبكم فالقلوب سارح
وعبير هواكم عالغصون طارح
و لوم العزول ديمن يكون جارح
والدنيا تشبه
مسارح وتشبه كمان سينمااات
ودا مااات لما اخدو منو الرروح
وحكاوي ما تتفهم وﻻ ينفع معاها شروح
وحجاات مكتومه بتصارع لجل ان تبووح
بس ....مش مسموووح
فقام ساااكت
ولسعه برد بتسري لبسلها الجااكت
وقال يخرج ويخرج ...فين ؟
والعين معلم عالخد منها ..دمعتين
سحب عكازه وسحب معاه ذكري
لاول مره كان شافهااا ..
كانت بضفيرتين
قلبه يومها دق
وهو ال قبل منها
قلبه لحد غيرها ماعمره دق
ربكم والحق
حبها ...جري عليها وقالهااا
تجوزيني
قالت بشرررط
كل الوعود مبينا تفضل متجمعه
ميجي يوم عليها تبقا فرط
قال اشرطي
قلبك يبقا ليا وحدي بس ..وعنيك كمااان
تستحملني ففرحي او في حزني
او حتي اوقات.. الجناان
ويوم ما تقسي دنيتي الاقي فحضنك الحناان
وخليك حنيين
يوم مينحني ضهري وتقع مني السنااان
ويوم متنزل دمعتي وتتوه مني سكتي
القااك رفيق
تمسح دموعي بضحكتك وتمسح معاها اي ضيق
وافتكر.. اني هفضل عطشانه لحبك
ابقا قولهالي ولو..بل ريق
خليني فقلبك واعرف اني بحبك
مهما فرقنا الطريق
وطلب اخيرر
لو شفتني حبيبي فالنفس الاخير
اياك تخلي عنيك تبعد عن عنيا
اياك حبيبي ايديك تفارق حضن ايديا
واوعاااك تبكي عليا ..خليك كبير
وكان لشروطها وفي
عينه مبكتش بس قلبه كان كسير
وحبس الدمووع
وبص للسما وقال الله يرحمك
ودمع....دمع كتيررر
وصرخته تملا الفضااا
وصوتها مش مسموع
وحشتيني
ودمعه سايل والقلب مالحنين موجوع
قفل بابه وركن عكازه
وقرر الرجوع
ليست هناك تعليقات:
إرسال تعليق