ابكي ياعيني***************بقلم ادريس جبيلو المغرب
- ابكي ياعيني
- ابكي ياعيني
- بدموعك ويدان
- ماعرفت الزمان
- اش مخبي لي
- فهاد الميدان
- ابكي ياعيني
- بدموعك ويدان
- الحياة لازم تغلبني
- نهار يتزاد لي
- رجل من العيدان
- ابكي ياعيني
- بدموعك ويدان
- قبل مانعمى
- ونعيش فالضلمة
- ونگسس بعكازي فالمشيان
- ابكي ياعيني
- بدموعك ويدان
- قبل مانزحف
- ورجلي على الوقفة تتلف
- ونبقى فالركنة بركان
- ابكي ياعيني
- بدموعك ويدان
- قبل مانمرض
- ونقضي حاجتي تحتي
- نخناز وتسكني الديدان
- ابكي ياعيني
- بدموعك ويدان
- قبل الصحة ماتهجرني
- وقت نكبر ونهرم
- واحبابي يولليو ليا عديان
- بقلم ادريس جبيلو
- المغرب
- *ويدان/وديان
- نعمى/اصير اعمى
- نگسس/اتحسس او اتجسس
- بعكازي/بعصاي
- فالمشيان/في المشي
- نزحف/اصير مقعدا
- فالركنة/في الزاوية
- بركان/مقعد
- نخناز/اصير ذو رائحة كريهة
ليست هناك تعليقات:
إرسال تعليق