- الحنين
- ثنائي بين حبيبين
- احمد طلبه
- الحنين
- ( هو ). لسه حبك فيا ساكن
- مهما لفيت الأماكن
- سبنا بعض صحيح ولكن
- منتهاش فينا الحنين
- المعزه هي هي. والمحبه ساكنه. فيا
- واللي بيكي برده بيا. بس ليه متغربين
- ( هي ) جرحنا موجود في روحنا
- إحنا اللي ظلمنا روحنا
- اتنازلنا عن طموحنا
- بس كنا غلطنين
- من الزعل واللي جرالنا. وقت ما اخترنا قرارنا
- بس ايه اللي جري لنا. مين يرد علينا مين
- المعزه هي هي. والمحبه ساكنه. فيا
- واللي بيكي برده بيا. بس ليه متغربين
- ( هو ). باقي عيني فيكي تسرح
- نفس قلبي تاني يفرح
- ارجعي دي الوحدة تجرح
- والفراق انا فيه سجين
- دا الحنين فيا يزيد حتي لما بكون وحيد
- نفسي اشوفك من جديد. مش هكون تاني حزين
- المعزه هي هي. والمحبه ساكنه. فيا
- واللي بيكي برده بيا. بس ليه متغربين
- ( هي ). ليه غرام الشوق تعبنا
- لما يوم احنا بعدنا
- بس دا الحنين غلبنا
- ونحلم نكون راجعين
- دي الحقيقه اشتقت ليك. شيء أكيد انا رجعه ليك
- روحي لسه عايشه فيك. وفيا روحك بين الحنين
- هو وهي
- المعزه هي هي. والمحبه ساكنه. فيا
- واللي بيكي برده بيا. بس ليه متغربين
المدير العام
السبت، 28 يناير 2017
الحنين*** بقلم احمد طلبه
الاشتراك في:
تعليقات الرسالة (Atom)
ليست هناك تعليقات:
إرسال تعليق