- يا ظلمانى و انا قابل
- مسيرنا ف يوم هنتقابل
- و اجيبلك .. فرح و سنابل
- و اغنيلك بشوق .. موال
- اقولك .. خايفة ليه منى
- و عاشقة خلق ظالمنى
- و قاعدة عليا بتمنى
- و راضية ليه بوقف الحال
- زمان قولتيلى ما تسيبنيش
- و يومها قلت لك هنعيش
- و لية و قلبى انا درويش
- و عاشقك حتى فى الترحال
- اجيلك .. تقفلى بابك
- و صبة الذل لاحبابك
- و كلمة لأه ف كتابك
- بقت ليا كتير تتقال
- نسيتى لما ضميتك
- و جوا عيونى خبيتك
- ما انا م الاصل حبيتك
- و كان قلبى لكى مرسال
- بقيتى ازاى كدا خاينة
- و دمعة ع الخدود باينة
- يا ضحكة عليا مش هاينة
- نزف دمى و عشانك سال
- باحبك و المشاعر صدق
- و روحى كالقليب بتدق
- و باخلصلك و اقول الحق
- يا فاتحة سكة الاندال
- لامتى دا السكات هيطول
- و غرقانة ف بكا على طول
- قولى مين بقى المسئول
- يتيمة بس حالك حال
- ما تصحى بجد و تفوقى
- انا حضنى اهو .. دوقى
- و عهد الله بحور شوقى
- تغرق سكتك بالمال
- هاضمك ... تدفى على صدرى
- تنور ضحكتك فجرى
- لا عمرى هاسيب و لا هاجرى
- و تبقى الدنيا عال العال
- يا مصر يا سر جوايا
- يا اجمل قصة و حكاية
- دا ابنك يا نساية
- سيبيلى الحمل اعيش شيال
- نعيش قصتنا م الاول
- يا امى نهارنا هيطول
- لا نتبدل .. لا نتحول
- ما هو انتى العم و انتى الخال
- #فهمى_على
المدير العام
الثلاثاء، 28 مارس 2017
يا ظلمانى و انا قابل *** بقلم فهمي علي
الاشتراك في:
تعليقات الرسالة (Atom)
ليست هناك تعليقات:
إرسال تعليق