لغدرشحال من دار هجر
شحال من بن آدم قهر
اليوم جاني سهم الغدار
اخطا القلب في ظهري استقر
احبس انفاسي نجيت صبار
***********
يا انا كيف سهيت عل لحذار
حسبتها عشرة عليها إستقرار
هيا رحلة كلها امكار
**********
حكاية نحكيها عل لسمار
مع ناس معدومين الانضار
بروجهم رملة بلا احجار
**********
طماعهم حيلة ومكار
كلام المعسول والريق مرار
ما يخافو من القهار
*********
إمص من دمك وليه نكار
ويحشرك مع لشرار
ويهجيك بلقدار
***********
هاذو ناس العار
تفتح ليهم باب الدار
يتقفاو ليك لسرار
***********
يمشي لحبيبو هدار
من لحبيب للحبيب
على كل دار
**********
إولي عليك الذل عمار
على ظهرك محزوم العار
هاكذا انتشر الخير مرار
ما تبقى محبة ولا جار
**********
هاكذا يتهدم لوقار
والصحبة عادو فجار
شكون فينا قط شكون الفار
**********
الاخ انسى خوه ياخضار
الحيات مسرح بلا ادوار
الكل مثل دور الاحرار
**********
المرأة حلت باب الدار
والريح هتك ذاك الستار
بإسم الحرية ليها انصار
**********
شابة على طريق الفجار
والشاب اخذاه التيار
قلو فيهم لخيار
**********
لقليل فيهم محطار
جفت ليهم لنهار
يعصرو فماء الصبار
**********
واش ازمان حرار
ولا اختالفو لدوار
بين الحي والدوار
*********
العرلي الناصري**
ليست هناك تعليقات:
إرسال تعليق