- قصيدة باللهجة العامية ... بعنوان ...
- الكسوة أم الضفاير ... بقلمي ...
- ..............................................
- لمحت القمر سهران بهالسما داير
- بإيدو عقد ألماس وأحلى الأساور
- سألتو ياقمر لمين هالحلا كلو
- جاوب وقال للكسوة أم الضفاير
- الكسوة بلدنا وحقا علينا نعطيها
- القلب والروح وتبقى ست الأكابر
- وحقا علينا بأرواحنا نحميها
- تا تلبس توب العز بهالزمن الغادر
- ............................
- الكسوة يا طيور الفرح ترقص على بوابك
- رحتبقي عمرانة والورد على سياجك
- إنتي الأميرة ونحنا كلنا حراسك
- ورح تبقي معزوزة وبالعز ارفعي راسك
- إنتي بالقلب قرأن ومقدس ترابك
- رح نركع ونسجد ونصلي بمحرابك
- وندعي لرب الكون يلملم شمل الأحبا
- ويرجعوا الغياب وتضحك للدني هدابك
- ................................
- أنتي مدينتنا والكل بيقلك
- إنتي يا ست الكل بقلبنا محلك
- رح زينك بالورد وياسمينك وفلك
- يسيج على بوابك تا الحلا يوصلك
- ويغرد العصفور ويتفيا بظلك
- وأحلى قصايد حب يهديك ويقلك
- الكسوة يا ست الكل يا أم الضفاير
- بعدو القمر سهران بهالسما وداير
- ..............................................
- ملك الأصفر
المدير العام
الأربعاء، 5 أبريل 2017
الكسوة أم الضفاير*** بقلم ملك الاصفر
الاشتراك في:
تعليقات الرسالة (Atom)
ليست هناك تعليقات:
إرسال تعليق